ၿဇဲေဗာဓိေထရ္အာနန္

ေဃာကာလက်ာ္ႀတဲ မဲြဟာန္ေကာမ္ကု ဂမှသင္တအ္ ပဒတၜတန္တၜဒံၞင္ ဿဘာေဇတ၀န္ဒတန္အာ႐ွာမ္ ေသ႒ှအနာထပိ႑က ဇေရင္ဍဳင္သာရ၀္ွဂ္ွ ဒါယကာဥပၸးၾတဳံ ၿဗၜဂမိႜဳင္ ဂိုင္ရပ္ေကတ္ပႝာင္သႛၜ ပကၜႀသၜျမေမာ၀္ေဇႝာ၀္အလာမ္ ေဇႝာ၀္လတာက္တအ္ဂ္ွတဲု ေဂႜာဲတိတ္ကႜဳင္ ဘာေဇတ၀န္အိုတ္ရ။ စိုပ္ဘာတုဲ ပႝာင္သၜႛ ပကၜႀသၜကမေမာ၀္ ေဇႝာ၀္ကိႛဳင္တအ္ဂ္ွ ပူဇၜက်ာ္ႀတဲတဲု ေလၝာ၀္တၜက်ာ္ႀတဲအိုတ္ရ

ဓမၼတာက်ာ္ ကြာက္တရၜဓရ္

အခိုက္ကႝာ ဓမၼတာ လအာက်ာ္ႀတဲတအ္မၢးဂ္ွ တန္တၜဗိုန္ဒံၞင္ဿမဲြဒႝာဲဓ၀္ ဟံြေသင္ဗဲြေတၞင္ ဒါယကာတအ္ ကညနိမန္လ၀္ႏံြကိုမ္ ဟံြေသင္သာက္ဂ္ွ တႝဟ္နေဂၝင္တြဟ္ဓရ္ ကုေကာန္ညးဍဳင္ရး ဇႝးပိုဒ္တအ္ႏံြကိုမ္ ပႜဳပ္စိုတ္တုဲ လိုက္၀္ွတိက္ွ သဟ္ကြာတဲုမၢး ႏံြအခိုက္ကႝာကညေဂၝင္အာ ဍဳင္ကြာန္႒ာန္ေဒသတအ္ဂ္ွအိုတ္ရ။

ဟံြဆို၀္က်ာ္ႀတဲ ဿစိုတ္ဟံြျမဟ္

ဿကာလက်ာ္ႀတဲ မဲြဟာန္ေကာမ္ကုဂမှသင္တအ္ ေဂၝင္ေဒသစရိတ္ စႛးတိတ္အာႏူဘာေဇတ၀န္ဂ္ွ ေသဟ္ဒံၞင္ဂမှသင္ပၞင္ဘာ ဂရဟ္ပၞင္အာ႐ွာမ္တအ္ ညိညၿဇိဳင္သာ မဲြ႓ါဓ၀္တဲု ဘာေဇတ၀န္ဂ္ွ လၝဳလၝဳန္က္ွခႛဟ္ သိၝတ္ျဇအာရ။ စိုပ္ကႜဳင္အခိင္တဲၝသှ ဒၥါမ္မံက္ဒၥါမ္ေစြက္ ဂိတုေပင္ ဂိတုအိုတ္မၢးဒါယကာတအ္ ေပၝာအ္တိတ္ကႜဳင္ဘာ ဟံြဆို၀္ညာတ္က်ာ္ႀတဲ မဲြဟာန္ေကာမ္ကုဂမှသင္တအ္တုဲသိုမ္မႏံြတၜ ကို၀္ ဂႜမ္စိုတ္ဟံြမိပ္ျမဟ္ ဟံြဒ္ွတသိုခ္ ၀တၳဳဒါန္ဇကု မပတမ္ကို၀္ပႝာင္သၜႛ ပကၜႀသၜျမေမာ၀္တအ္ဂ္ွ ဖအုပ္ဗြ၀္ဗ၀္စံြလ၀္ ဿပါင္ၾတင္ဘာဂႏၶကု႗ိ မဲြမဲြဒႝာဲတဲု ကေလင္စၜအာ ဍဳင္ကြာန္သိၝ႒ာန္ဇကုဇကုအိုတ္ရ။

ပရၜဒဒ္ွဂ္ွ စႝးဒါယကာဘာဂမိႜဳင္ ဒါယကာဘာေဇႝာ္အိုတ္ ေသ႒ှအနာထပိ႑ိက ျပာပ္လုပ္ဂရင္ပတီ လၜဗၥကုေထရ္အာနန္ရ။ ေထရ္အာနန္တုဲေလ၀္ ျပာပ္အာဇေရင္က်ာ္ႀတဲတုဲ သာက္၀ံြ ေလၝာ၀္ပတီက်ာ္ႀတဲရ။

`ယံြ … တႜပိုည္က်ာ္ႀတဲ … ေစတှမဂပ္၀္ေလၝာ၀္ေရဟ္ေသဟ္ရၜဂၜ ပူဇၜေသႝအ္သႝၜဂ္ွ ႏံြမူစိဂကူေရာ အၜ´

`အာနန္ … ဓာတုေစတှ၊ ပရိေဘာဂေစတှ၊ ဥဒၵႆေစတှ သာ္၀ံြတိတ္ဒ္ွပ္သာ္ရ။´ သာ္၀ံြ က်ာ္ႀတဲနာဲညး ဂးကို၀္ေထရ္အာနန္ရ။

` ယံြ … တႜပိုည္ … ေဃာကာလတႜပိုည္ ဂိ်ဳင္လမ်ိဳမ္ျပာက႗္ ထတ္ယုက္ႏံြတၜလၞဳဟ္၀ံြ ေစတှသိုမ္ဖအိုတ္တအ္ဂ္ွ ပတန္ဗဒ္ွ ဂံြမာန္သိုမ္ဖအိုတ္ဟာအၜ´ သာ္၀ံြ ေထရ္အာနန္ ကေလင္ထပ္သၞာန္တိုန္ပႜန္တဲု က်ာ္ႀတဲနာဲညးတုန္

`အာနန္ … ေစတှသိုမ္ဖအိုတ္တအဂ္ွ ပတန္ဗဒ္ွ ေကႜာန္ဟံြဂံြဏီရ။ ဓာတုေစတှမဲြဂ္ွ အဲက်ာ္ ပပရိဗၺာန္တုဲေရာင္ ဂံြအေခါင္ပတန္မာန္ရ။ ဥဒိၵဥေစတှတုန္ေလ၀္ လၞဳဟ္ ေဃာအဲက်ာ္ႏံြဒံၞင္ဏီတုဲ ရန္တၞအ္ကို၀္အဲက်ာ္တဲု ညးဂံြဗုတ္ ပုတ္ ဂႝတ္ ေသာန္ ေကႜာန္ဗဒ္ွပတိုန္ ဒဗ္သဏၭာန္ေထ႟ာမ္တႜင္ ႐ုပ္ရအဲက်ာ္ ဟံြျပာက႗္ဏီတဲု ဟဲၞဏီရ။ မဟာေဗာဓိၿဇဲ အဲက်ာ္ဒလာဲျပဘိုဂ္လ၀္ဂ္ွ ေဃာအဲက်ာ္ႏံြတၜလၞဳဟ္၀ံြေဟင္ ဗဲြေတၞင္ ဒ္ွဒံၞင္ပရိေဘာဂေစတှဖိုဟ္ရ။ ေထက္ကို၀္ေလၝာ၀္ေရဟ္ေသဟ္ရၜဂၜ ပူဇၜေသႝအ္သႝၜအဲပရဲရ´ ရၜသာက္၀ံြ ဂးကို၀္ေထရ္အာနန္ရ။

ယံြတႜပိုည္ တႜပိုည္ မဲြဟာန္ေကာမ္ကုဂမှသင္ဂမိႜဳင္ ေဂၝင္ေဒသစရိတ္ ကညအာဍဳင္ကြာန္ ႒ာန္ေဒသသအာင္မၢး ဘာေဇတ၀န္၀ံြ သြက္ဂံြေရဟ္ေသဟ္ရၜဂၜ ပူဇၜေသႝအ္သႝၜ ဟဲၞတၜကို၀္စ႟ဳယ္ေစ႟ာက္ရ။ ေကတ္နင္မၿဇဲ ႏူတံႝၿဇဲမဟာေဗာဓိေတံတဲု ကို၀္အဲဍိက္ဂံြတို၀္လှြလ၀္ ဿဇေရင္ပါင္ၾတင္မုခ္ဘာေဇတ၀န္၀ံြညိအၜ´ ရၜသာ္၀ံြ ေထရ္အာနန္ အာတ္အေခါင္ကို၀္က်ာ္ႀတဲ ဿကာလဂ္ွရ။

`ခိုဟ္ရအာနန္…တို၀္လှြလ၀္ညိ။ တို၀္လှြလ၀္သာက္ဏံမၢး သၞးညံင္အဲက်ာ္ ႏံြဒံၞင္ဿဘာေဇတ၀န္၀ံြ လိၞဳန္ကီု ဂိုမ္ဂိုမ္ကိႜဳမ္ကိႜဳမ္ ဂံြဒ္ွတၜမာန္ရ´ ရၜသာ္၀ံြ က်ာ္ႀတဲ ကို၀္အႏုညာတ္ သၸအေခါင္တုဲ သြက္ဂံြတို၀္ၿဇဲေဗာဓိဂ္ွ ေထရ္အာနန္သၸတၜလှြရ။ အာတ္ေကတ္အ႐ိုမ္ဗင္ ႏူဒါယကာဘာ ဒါယိကာဗ်န္ဂမိႜဳင္ ႏံြပဓာန္ႏံြတမ္ေဍံ သိၞင္ပႆိန္၊ ဒါယကာဘာေဇႝာ္ ေသ႒ှအနာထပိ႑ိက၊ ဒါယိကာဗ်န္ ၀ိသာခါတအ္တုဲ သၵးပတိတ္ၿဇဟတ္လှြပရာရ။ နကို၀္အ႐ိုမ္ဗင္ညးတအ္ဂ္ွ ကိစၥခါယ္ကတိုင္ သြက္တို၀္ၿဇဲေဗာဓိ ဿဇေရင္သကဲ ပါင္ၾတင္မုခ္ဘာေဇတ၀န္ဂ္ွ တဲုဒ္ွအာ ဿကာလဂ္ွရ။ သြက္ေသၢာံဂံြမၿဇဲ ႏူတံႝၿဇဲမဟာေဗာဓိေတံဂ္ွ သၵးအာတ္အ႐ိုမ္ဗင္ ဂရင္ပတိမ္မဟာေထရ္ေမာဂၢလာန္ရ။

မဟာေထရ္ေမာဂၢလာန္တုန္ ႏူေၟာအ္တံႝမဟာေဗာဓိေတံ သတ္ၿဇဲဍဳဟ္ဍဳဟ္ ျပဟ္ေစ္ွကႜဳင္အေလ၀္မာဲေဍံ ကႜာဟံြစိုပ္တိဏီဂ္ွ ခမ္ဒုင္ေကတ္ နကို၀္သၝာတုဲ ကႜဳင္ကို၀္ေထရ္အာနန္ရ။ ဿတဲၝဂံြမၿဇဲဂ္ွ သြက္ေသၢာံပသဘင္တို၀္ၿဇဲဂ္ွ ေထရအာနန္ ကို၀္ပ႐ိုင္ကို၀္အာလၜစ ကုသိၞင္ပႆိုန္ရ။

သိၞင္ပႆိုန္တဲုေလ၀္ အတိုင္အစှဇန္ ဖန္ဖက္လ၀္အခိင္ ခ်ိင္လ၀္အခါဂ္ွ ဿကာလသ၀္တဲၝ ပယ်ာံ႓ိုဟ္ႀသိဳဟ္ဂ္ွ စိုပ္ကႜဳင္ဘာေဇတ၀န္ရ။ ဗဲြဒဒ္ွပတိုန္စရာဲကို၀္ သဘင္တို၀္ၿဇဲေဗာဓိဂ္ွ ပရိသာတ္နာၿမိဳင္ တှြဗိၢဳင္သိၞင္ေလ၀္ ဗဲြမဂိႜဳင္ေဂႜင္ ႏူ႐ိုဟ္႐ိုဟ္လန္ တိုန္စိုပ္ကႜဳင္အိုတ္ကီုရ။ ၀ိသာခါေကာံကု ေသ႒ှအနာထပိ႑ိက ညးတႜဒါန္ဘာေဇတ၀န္တံေလ၀္ မဲြဟာန္ေကာံကုေကာန္ဇာတ္သကအ္ပြါ ေကာန္ရဲဇကု က်ိဳင္က်၀္လ၀္ကယိ်ဳင္ကယ်၀္ ဍိဳက္ဍိဳက္ေပင္ေပင္တဲု တိုန္စိုပ္ကႜဳင္အိုတ္ကီုရ။

ပရိသာတ္ဗိုလ္လဗးဂမိႜဳင္ ေကာံဗိုင္စိုပ္ဇှအိုတ္မၢး ေထရ္အာနန္ေဖ်ဟ္စံြလ၀္ကႜာင္ထ၀္ ဿကတိုင္မခဲါလ၀္တဲုဂ္ွရ။ တိကေမႜတ္ဂမိႜဳင္မထိုမ္ဗးဖႛဳင္လ၀္ နကို၀္ဍာ္ဂေစံစႜန္ ဂႏၶရာျမေမာ၀္ ဂိႜဳင္ကို၀္ဂကူတအ္ဂ္ွ ကို၀္စုတ္လ၀္ဿကႜာင္ထ၀္ဂ္ွရ။ ႀကၜႏူဂ္ွ ကိစၥဂံြေဖ်ံစံြ တိုု၀္ပေလာမ္မၿဇဲေဗာဓိဂ္ွ ဒုင္ကို၀္သိၞင္ပႆိုန္ မဒ္ွဇေမႝာက္ ဒါယကာဘာ ဒါယိကာဗ်န္ဂမိႜဳင္တုဲ ကို၀္တို၀္ပေ႒ာမ္ရ။ သိႝင္ပႆိုန္ ဒုင္ေကတ္မၿဇဲေဗာဓိဂ္ွတဲု စံြလ၀္ဿလတူဂတာတဲဇကု ဗဲြမလအ္ ဗစာရဏာ ရံင္အာဂိႜင္ေသၝာဲတဲုအေလ၀္ဇကု သိုမ္ဟံြတို၀္ပေ႒ာမ္ မၿဇဲဂ္ွ ေဟာ၀္ဒုင္ကို၀္ေသ႒ှ အနာထပိ႑ိကမဲြကဆံင္ပႜန္ရ။

မၿဇဲဂ္ွ အေလ၀္ဇကုသိၞင္ပႆိုန္ ဟံြတို၀္တဲု ဒုင္ကို၀္ေသ႒ှ အနာထပိ႑ိက ကို၀္တို၀္ပေ႒ာမ္ဂ္ွ သာက္၀ံြေလ၀္ သြက္ေသၢာံေသႜဟ္ပၞာေထင္တၜႏံြရ။ ေသ႒ှအနာထပိ႑ိကဂ္ွ ဟိုတ္ႏူဒ္ွဒံၞင္ ဒကာဘာေဇတ၀န္ ဒတန္အာရွာမ္ဣေတံကိုမ္၊ မဲြသာ္ပႜန္ ပိုည္ေသ႒ှကို၀္ပိုည္သိၞင္ ခိ်င္ဆပေတာံ႓တ္ရံင္မၢးဂ္ွ ပိုည္သိၞင္ဂ္ွ ေဇႝာ္ၿပဲလးေလာန္ရ။ ႓ိုန္ဂ္ွေလ၀္ပိုည္သိၞင္မၢးဂ္ွ ဟံြခိုင္ကိႜဳက္ဟံြဗိုန္ဗတ္ တန္တၜအာလအ္လအ္ဟံြမာန္၊ သိၞင္ဍဳင္သအာင္ ကႜဳင္ပံႜင္ဗတိုက္ကို၀္ဒ္ွ၊ ဟံြေသင္သာက္ဂ္ွ ႏူအဿဆီပတိုဟ္ဇကုဏံ ညးမမိက္ကို၀္မဲြမဲြ ဒက္၀ဲသႝ ပသပုန္ကို၀္ဒ္ွ ပိုည္သိၞင္ဂ္ွ ေလပ္လိုမ္လာက္ဗႜးအာႏူတဲ ဒ္ွဂံြရ။ သိၞင္တႜဍဳင္မဲြ ကိႛဳင္ဗတာင္နန္ထ၀္ဇကု ဗႜးအာႏူတဲရဟီုမၢး သြက္ေသၢာံဒးအိုတ္လမိ်ဳမ္ဂ္ွ ဂိႜဳင္ဒံၞင္ရ။

ပိုည္ေသ႒ှတုန္ ႓ိုန္ရဟံြလဲွလး ညံင္ပိုန္ငိၞင္ကီုေလ၀္ ဂံြတန္တၜအာလုကၜကာလမလအ္ လိၞဳန္ထာ၀ရမာန္ရ။ အဆက္ေကာန္၊ အဆက္စၜ၊ အဆက္ေစက္ ဂံြဆက္ဒုင္အာ အာဲကၞာဲယာဲတဇကုဂ္ွ ေကႜာန္ဗဒ္ွေဇႝာ္ပၞ၀္ဂလုိင္ပတိုန္မာန္ရ။ ညးတိုန္ပသိၞင္ ဗဲြႀကၜအဆက္ဆက္တအ္ေလ၀္ သြက္ေသၢာံပံႜင္ဗတိုက္ ပလိုမ္ပလာ္ေထာံပိုည္ေသ႒ှ မတုပ္ပမာ ညံင္ဂႝၜဍဳင္ဂ္ွ အခိုက္ကႝာဓမၼတာသၸ ဟဲၞရ။ နကို၀္စႜးစရာဲကဆံင္ဒံၞင္ အယံင္အလာ ႓ိုတ္ႀကိဳက္တန္ကို၀္ပိုည္ျဒဗ္ဇကုဂ္ွ သၵးယိုက္ဒိုက္ထံက္ပင္သင္႐ိုဟ္ ပခိုဟ္စတၜေဟင္ ဗဲြေတၞင္ဒးသၸတၜရ။ ရၜသာ္၀ံြ ပိုည္ဇကုဂ္ွ ႓ိုတ္ပိုည္ေသ႒ှအနာထ႑ိကဟံြဒ္ွ တန္တၜလအ္လအ္မာန္ ဟံြေသင္။ ႏူအခိင္ေတံေဟင္သိၞင္ေဇႝာ္ေသႜဟ္ေထင္တၜတဲု မၿဇဲဂ္ွ အေလ၀္ဇကု ဟံြတို၀္တဲု ဒုင္ကို၀္ေသ႒ှ အနာထပိ႑ိကတန္ဒ္ွရ။

အဓိကတုန္ သ႒ှအနာထပိ႑ိက ေဟာ၀္ဒုင္ေကတ္မၿဇဲ ႏူတဲသိၞင္ပႆိုန္တဲု ဂြးပတိုန္တိကေမႜတ္ အဿကႜာင္ထ၀္ဂ္ွတဲု တို၀္ပေ႒ာမ္ေဖ်ံဏာမၿဇဲ ဿႏုင္ထ၀္ဂ္ွရ။ ခိ်ဳန္ခဏဂ္ွ ဗ႐ုရမ်ာင္တိြင္တိြဳက္မသုန္ဂကူ ျဗဳတမ္ည၀္တၜရ။ ၿဇဲ၀ံြ အေလ၀္မာဲဇကုေထရ္အာနန္ စှဇန္ဖန္ဖက္တဲု ဟိုတ္ႏူတို၀္လ၀္ဂ္ွရ `ၿဇဲေထရ္အာနန္´ ရၜသာက္၀ံြ ညးဂမိႜဳင္ေကာ္ခၜ ဟီုဂးအိုတ္ရ။ က်ာ္ႀတဲတုန္ေလ၀္ အေလ၀္ဇကုညးနဒဒ္ွသဘၜပိုန္စရာဲ စ၀္အဘိသိက္ကို၀္ၿဇဲေဗာဓိတဲု လုပ္စဖလသမာပတ္ ဿသၞ၀္တမ္ၿဇဲေဗာဓိဂ္ွ ကိႜဳဟ္ဗတံရ။ ရၜသာ္၀ံြ အေလ၀္ဇကုသိၞင္ သၸကိႛဳပ္အာဂတပႜတရၜတုဲ ေကႜာန္ဗဒ္ွတၜ သဘင္ပူဇၜၿဇဲေဗာဓိဂ္ွ ျမဟ္တမ္ည၀္ဒံၞင္ ညံင္သဘင္ဒိဗ္ မိပ္ၿဇိပ္ရာင္ဆာဲ ဗဲြမေလာန္ရ။