၀င္ဒကိၡဏသာခါ

ဿကာလသကၠရာဇ္သာသနာ အာစိုပ္ ၂၃၅ – သႝာံဂ္ွ ဂမှအရွန္ ဂမိႜဳင္လိၝမ္ ( ၁၀၀၀ ) ဇကုႏံြပဓာန္ေဍံ ေမာဂၢလိပုတၱတိႆေထရ္ ပတိုန္သံဂါယနတတိယ ဿဘာအေသာကာရာံ ဿဍဳင္ပါ႗လိပုတၱရ။ပတိုန္သံဂါယနတုဲ သြက္ေသၢာံပတန္သာသနာ ဿဒိၥတ္႒ာနဂ္ွ မဲြမဲြဍဳင္မၢး ဗလးဏာဂမှအရွန္တအ္ မသုမသုန္ဇကုရ။ ေကာန္ဗႜာဲသိၞင္အေသာက ဂမှတႜအရွန္မႏံြယၞဳမဟိႏၵေထရ္ဂ္ွ ဒးလိ်ဳင္႒ာန တကအ္သိင္ဃို႒္ ( သိရှလကၤာ ) တဲု ဿကာလသကၠရာဇ္သာသနာ အာစိုပ္ ၂၃၅ – သႝာံ ဂိတုေဇ္ွေပင္ဂ္ွ မဟိႏၵေထရ္ ဒ္ွညးေဇႝာ္ ဂမှအရွန္မသုန္ဇကုတအ္ နတရၜဇ်ာန္ ဍာန္အာကာသ ႏူဘာလတူဒို၀္ေပဒိႆက ဇေရင္ဍဳင္ေ၀ဒိသဂ္ွ ကညကလာင္အာ တကအ္သိင္ဃိုဠ္တဲု ေစဟ္တန္ဒံၞင္ ဿလတူကုန္ဒို၀္သၞတ္မဲြ မိႆက ဂးယၞဳရ။ ဒို၀္မိႆကဂ္ွ ႏူဍဳင္အႏုရာဓမၢး ဒ္ွဒို၀္ႚသာန္ ႏံြခရာေသၝာဲ ၄-တိုင္ျပင္ျပင္ရ။ ( ၈-မာင္အဂၤလိက္ ) ေဃာမဟိႏၵေထရ္တအ္ ကညကႜဳင္ဂ္ွ သိၞင္ေဒ၀ါနံပိယတိႆ ဒ္ွသိၞင္ဿတကအ္သိင္ဃိုဠ္ရ။

တဲၝဂ္ွ ဒ္ွတဲၝနက္သတ္ေဇ႒တဲု အလုမ္ဍဳင္မဲြ ေ၀င္တၜသဘင္နက္သတ္ရ။ သိၞင္ေဒ၀ါနံပိႆတုန္ေလ၀္ မဲြဟာန္ေကုာံပရိသာတ္နာၿမိဳင္ တှြဗိြဳင္ပန္ေစ္ွလိၝမ္ ( ၄၀၀၀၀ ) တိတ္ေ၀င္လန္ၿဂိဳပ္ စိုပ္ကႜဳင္လတူဒို၀္မိႆကတဲု ဂဗဆို၀္ညာတ္ဒးကို၀္ ရဲပတန္သာသနာ မဟာေထရ္မဟိႏၵတအ္ရ။ ဂံြမိင္ဓရ္စူဠဟတိၱပေဒါပမသုတ္ ႏူဇေရင္ေထရ္မဟိႏၵတဲု သိၞင္ေကုာံပရိသာတ္တှြဗိြဳင္ဂမိႜဳင္ ပန္ေစ္ွလိၝမ္ သီုဖအိုတ္တအ္ဂ္ွ တန္တၜဿသရဏဂုဏ္ပိ ကလိဂံြေကြတ္သမၼာတဲု အာစိုပ္ဒဒ္ွဗုဒၶဘာသာ ဥပါသကအိုတ္ရ။
ဂႝက်ာ္အႏုဠာေဒ၀ှ မဒ္ွဂႝက်ာ္ေကာန္သိၞင္ဥပရာဇာ မႏံြယၞဳမဟာနာဂ မဒ္ွေဒံသိၞင္ေဒ၀ါနံပိယတိႆဂ္ွ အာစိုပ္ဒဒ္ွအရှသကဒါဂံါတဲု ႏံြပိၞက္မိက္ဂံြပဂမှၿဗၜ ( ဘကၡဳနှ ) ဿသာသနာတဲု အာတ္အေခါင္ကို၀္သိၞင္ မဒ္ွေကာယၜဇကုတဲု သိၞင္လုပ္ဂရင္ပတီ ေထရ္မဟိႏၵတဲု သာ္၀ံြ ေထရ္ဟီုကို၀္သိၞင္ရ။
`ယံြမရာဇ္ … ပိုယ္ပကို၀္ဂမှၿဗၜ ကုမာတုဂံါတအ္ ဟံြဂပ္ဂ၀္၊ ဿဍဳင္ပါ႗လိပုတၱေတံ ေဒံၿဗၜအဲ သံဃမိတၱာဂးယၞဳ ဂမှၿဗၜေထရှ ဘိကၡနှမဲြဇကု ႏံြတၜဒံၞင္ရ။ ေဒံၿဗၜအဲဂ္ွ ကညနိမန္နင္႒ာန္၀ံြမၢး ကိစၥ၀ံြ တဲုဒ္ွမာန္ရမရာဇ္…။ ဿဍဳင္အႏုရာဓ၀ံြေလ၀္ ၬဒႝာဲ႒ာန္ေဒသ ၿဇဲေဗာဓိက်ာ္ႀတဲတမႜာေတံပိဇကု မတန္တၜဒံၞင္ဂ္ွ ၿဇဲေဗာဓိက်ာ္ႀတဲပိုယ္၀ံြေလ၀္ေထက္ကို၀္ပတန္ ေထက္ကို၀္တန္တၜ ေထက္ကို၀္ပူဇၜေလ၀္ကီုရ မရာဇ္။ ေဒံၿဗၜအဲသံဃမိတၱာ နိမန္နင္ၿဇဲေဗာဓိတဲု ကို၀္ကညကႜဳင္ညိကီုဂ္ွ မရာဇ္ဖေအာ၀္စကာ ဗလးဏာကလုတ္ ဇေရင္သိၞင္မအံက္အဲညိ မရာဇ္´ရၜသာ္၀ံြ မဟိႏၵေထရ္ ဂးကို၀္သိၞင္ရ။